Xəbər verdiyimiz kimi, Gəncə şəhər M.A.Abbaszadə adına 20 nömrəli tam orta məktəb qarşısındakı işıqfor uzun müddət işləmədiyi üçün şagirdlərin və yerli sakinlərin həyatı təhlükəyə atılmışdı.
Gencexeber.az-ın məlumatına əsasən, həm məktəblilər, həm də ərazidə yaşayanların intensiv hərək etdikləri işıqforların çalışmaları üçün zəruri tədbirlər görülüb. Gəncə Şəhər İcra Hakimiyyətinin tapşırığı əsasında gün ərzində əraziyə baxış keçirilib və qısa müddətdə problem aradan qaldırılıb.
Hazırda məktəbin qarşısındakı yolda piyadaların təhlükəsiz hərəkəti təmin edilib.
