Gəncə şəhər Mirzə Abbas Abbaszadə adına 20 nömrəli tam orta məktəb qarşısındakı işıqfor sıradan çıxıb.
Gencexeber.az-a daxil olan şikayətə əsasən, məktəbin qarşısındakı yol həm məktəblilər, həm də ərazidə yaşayanlar tərəfindən intensiv istifadə olunduğu halda işıqfor 5 gündür işləmir. Bu səbəbdən avtomobillər bu ərazidə dayanmadan hərəkət edir və piyadalara, xüsusilə də azyaşlı uşaqlara yol vermirlər.
Qeyd edək ki, məktəblilər hər gün dərsə gedərkən və ya evə dönərkən bu təhlükəli yolu keçməyə məcbur qalırlar. Sakinlər məsul şəxslərdən problemin təcili şəkildə həllini və işıqforun bərpasını tələb edirlər.
