Gəncə şəhərinin Sadıllı qəsəbəsi, Rəmziyə Veysəlova küçəsində yerləşən "Oba" market filialında azyaşlı uşağın 100 manat pulunun oğurlandığı iddia olunur.
Gencexeber.az-a müraciət edən valideynlərin sözlərinə görə, iki azyaşlı uşaq marketə daxil olaraq kassaya 100 manat pul qoyub ərzaq seçmək üçün market əməkdaşı ilə birlikdə rəflərə yaxınlaşıblar.
Bu zaman onların ardınca dükana daxil olan naməlum şəxs aldığı məhsulların ödənişini həmin pulla edib. Kassir isə ona qalığı təqdim edib. Daha sonra həmin şəxs marketdən çıxaraq gəldiyi avtomobilə doğru qaçıb və ərazidən uzaqlaşıb.
Valideynlər bildiriblər ki, hadisə ilə bağlı polisə müraciət ediblər.
Məsələ ilə bağlı redaksiyamız tərəfindən Daxili İşlər Nazirliyinin (DİN) Mətbuat Xidmətinin regional qrupuna sorğu ünvanlanıb.
Qeyd edək ki, hadisənin mağazanın təhlükəsizlik kameralarında əks olunduğu bildirilir.
