Gəncə şəhərində zəhərlənmə faktı qeydə alınıb.
Gencexeber.az-ın məlumatına görə, 1964-cü il təvəllüdlü şəhər sakini Alidə Bayramova zəhərlənmə diaqnozu ilə xəstəxanalardan birinə çatdırılıb. Ona dərhal tibbi yardım göstərilib.
İlkin məlumata əsasən, hadisə qadının xadimə kimi çalışdığı marketlərdən birində baş verib. Bildirilir ki, 62 yaşlı qadın yuyucu vasitədən zəhərlənib.
Hazırda zərərçəkənin vəziyyətinin stabil olduğu bildirilir. Faktla bağlı araşdırma aparılır.
