Gəncənin bəzi ərazilərində küçə işıqlandırılması ilə bağlı problemlər müşahidə olunur.
Gencexeber.az-a daxil olan məlumata görə, şəhərin Yeni İrəvan adlanan ərazisində, Səməd Vurğun küçəsində küçə işıqlandırma sistemi düzgün fəaliyyət göstərmir. İşıq dirəklərində lampalar gündüz saatlarında yanır, gecə vaxtı isə söndürülür. Nəticədə küçə qaranlıq qalır və bu vəziyyət sakinlərin narazılığına səbəb olur.
Digər problem isə Xan Bağının yaxınlığında qeydə alınıb. Bildirilir ki, ərazidəki işıq dirəklərindən birinin plafonu təxminən bir aydır durmadan yanıb-sönür. Bu vəziyyət həm ətrafda yaşayanları, həm də piyadaları narahat edir.
Sakinlər aidiyyəti qurumlardan qeyd olunan problemlərin aradan qaldırılmasını xahiş edirlər.
