Mayın 16-sı saat 9:00-a olan faktiki hava açıqlanıb.
Gencexeber.az-a bu barədə Milli Hidrometeorologiya Xidmətindən məlumat verilib.
Bildirilib ki, ölkə ərazisində yağıntılı və küləkli hava şəraiti davam edir. Bəzi yerlərdə yağıntılar leysan xarakterli intensiv və güclü olub.
Düşən yağıntının miqdarı Tovuzda 13, Gədəbəy, Şəmkir, Daşkəsən, Gəncə, Göygöldə 1-8 mm-dək təşkil edir.
Hazırda bir sıra ərazilərdə şimal-qərb küləyi əsir, küləyin maksimal sürəti Gəncədə 20, Goranboyda 19 m/s-yə çatır.
Daşkəsən, Göygöl, Gəncədə duman müşahidə olunur, dumanda görünüş 500 m-dək məhdudlaşır.
Havanın minimal temperaturu Aran rayonlarında 13, dağlıq rayonlarda isə 5 dərəcəyədək isti qeydə alınıb.
