Gəncədə Küçə İşıqlandırma şöbəsinin ləğvi ilə bağlı iddialar yayılıb.
Gencexeber.az-a ünvanlanan məlumata görə, Gəncə Şəhər Mənzil Kommunal Təsərrüfatı İstehsalat Birliyinin nəzdində fəaliyyət göstərən Küçə İşıqlandırma şöbəsinin ləğv ediləcəyi bildirilir. İddialara əsasən, qurumda çalışan təxminən 150-yə yaxın əməkdaşın əmək müqaviləsinə xitam verilməsi planlaşdırılır.
Məlumatda qeyd olunur ki, bəzi əməkdaşlar artıq işdən azad ediliblər. Əlavə olaraq bildirilib ki, küçə işıqlandırılması ilə bağlı işlərin bundan sonra özəl şirkət tərəfindən həyata keçirilməsi nəzərdə tutulur. İddialara görə, şöbədə çalışmış az sayda keçmiş əməkdaş yeni yaradılacaq MMC-yə cəlb ediləcək.
Məsələ ilə bağlı Gəncə Şəhər Mənzil Kommunal Təsərrüfatı İstehsalat Birliyinə sorğu ünvanlanıb.
