Gəncə şəhərinin Yeni Gəncə qəsəbəsində sakinlərin uzun müddətdir üzləşdiyi kanalizasiya problemi hələ də öz həllini tapmayıb.
Məsələ ilə bağlı Gencexeber.az-a şikayət ünvanlayan sakinlərin sözlərinə görə, qəsəbədə kanalizasiya sularının tez-tez daşması nəticəsində əraziyə pis qoxu yayılır, həyətyanı sahələr çirkab sulara qərq olur.
“Bu vəziyyətdə uşaqlar həyətə çıxıb oynaya bilmir. Ətrafda natəmizlik və yoluxucu xəstəlik riski yaranıb. Məsələnin ən narahatedici tərəfi isə odur ki, problem təkrar-təkrar baş versə də, aidiyyəti qurumlar tərəfindən lazımi tədbir görülmür. Dəfələrlə şikayət etmişik, amma nəticə sıfırdır”, – deyə sakinlər bildirib.
Yeni Gəncə əhalisi problemin məsul qurumlar tərəfindən həll edilməsini tələb edir.
