Gəncə avtomobil zavodu İstehsalat Birliyi Bakıda Beynəlxalq Xalça Festivalında iştirak edib.
Gencexeber.az Gəncə şəhər İcra Hakimiyyətinə istinadən məlumat verir ki, müəssisədə istehsal olunan, milli ornamentlərdən ibarət xalçalarla xüsusi bəzədilən traktor hamının marağına səbəb olub. Festivala qatılan həm yerli, həm də xarici ziyarətçilər qeyri-adı traktorla yaxından maraqlanıb, şəkillər çəkdiriblər.
Tədbirdə Azərbaycanla yanaşı, Türkiyə, İran, Qazaxıstan, Pakistan, Tatarıstan, Özbəkistan və bir çox digər ölkələrdən xalçaçılar, istehlakçılar, istehsalçılar, sənət adamları və xarici qonaqlar iştirak ediblər.
Qeyd edək ki, Gəncə avtomobil zavodu İB-nin istehsal etdiyi avtomobil və texnikalar mütəmadi olaraq müxtəlif yerli və beynəlxalq sərgilərdə nümayiş olunur.
