Gəncə şəhərinin müxtəlif ərazilərində, o cümlədən Kərpic zavodu ətrafında yerləşən küçələrdə elektrik enerjisinin təminatı kəsilib.
Gencexeber.az-a daxil olan çoxsaylı şikayətlərə əsasən, buna son günlər yağan intensiv yağışların yaratdığı fəsadlar səbəb olub. Sakinlər artıq bir sutkadan çoxdur işıqsız qalıb.
Şikayətçilər bildirirlər ki, məsələ ilə bağlı "199 Çağrı Mərkəzi"nə dəfələrlə müraciət etsələr də, zənglər cavabsız qalır. Onların sözlərinə görə, indiyədək əraziyə baxış keçirən və problemin həlli ilə məşğul olan qurum nümayəndələri olmayıb.
