Gəncədə müşahidə olunan güclü külək şəhərin elektrik təsərrüfatında ciddi problemlərə səbəb olub.
Gencexeber.az-ın məlumatına görə, Bağbanlar yaşayış massivi ilə yanaşı, şəhərin bir sıra digər ərazilərində elektrik enerjisinin verilişində fasilələr yaranıb.
Bundan əlavə, şəhərin Atatürk və Heydər Əliyev prospektlərində, eləcə də digər ərazilərdə işıqforlar fəaliyyət göstərmir. Bu hal nəqliyyat axını üçün ciddi təhlükə və sürücülər üçün əlavə risk yaradır.
İlkin məlumata əsasən, hazırda aidiyyəti qurumlar tərəfindən problemin aradan qaldırılması istiqamətində işlər aparılır. Lakin elektrik təchizatının nə vaxt tam bərpa olunacağı ilə bağlı hələlik rəsmi açıqlama verilməyib.
