Gəncənin İsmət Qayıbov və Mirzə Abbas Abbaszadə küçələrinin kəsişməsində, 1 nömrəli tam orta məktəbin qarşısında yerləşən işıqfor ağacın budaqlarının arasında qalıb.
Gencexeber.az-a şikayətlərini bildirən vətəndaşların sözlərinə görə, yol hərəkəti tənzimləyicisi saniyə tablosu ilə də təchiz olunub. Lakin budaqlar işıqforun görünüşünü əngəllədiyindən, hərəkətdə olan sürücülər onu yalnız son anda görə bilirlər.
Bu isə sürücülərin sürətlərini və hərəkətlərini vaxtında tənzimləməsinə mane olur. Nəticədə qəza riski xeyli artır.
Vətəndaşlar aidiyyəti qurumlardan ərazidəki ağacın budaqlarının budanmasını və işıqforun sürücülər üçün tam görünən vəziyyətə gətirilməsini xahiş edirlər.
