Gəncə şəhərində Bayraq meydanında aparılan təmir işləri zamanı avtomobillərə ziyan dəyib.
Gencexeber.az-ın əldə etdiyi məlumata görə, aidiyyəti qurumun əməkdaşları meydanda yerləşən bayraq dirəyini boyayıblar. Lakin təhlükəsizlik tədbirlərinə riayət olunmaması səbəbindən boya hissəcikləri yaxınlıqda — Gəncə Dövlət Universitetinin 2-ci korpusunun qarşısında dayanmış 10-dan çox avtomobilin üzərinə tökülüb.
Hadisə nəticəsində nəqliyyat vasitələrinin lak örtüyü zədələnib. Avtomobil sahibləri bu məsələ ilə bağlı polisə rəsmi şəkildə müraciət ediblər.
Faktla bağlı araşdırma aparılır.
