Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən şəhərin prospekt və küçələrində genişmiqyaslı təmizlik işləri davam etdirilir.
Gencexeber.az bildirir ki, təmizlik aksiyası bu dəfə şəhərin Nizami Gəncəvi prospektində yerləşən 2 saylı Gəncə Asan Xidmət Mərkəzi binasının ətrafında, Məhsəti qəsəbəsi yolunda, Gəncə Mərkəzi Klinikasının yaxınlığında, Totanlı küçəsində və onunla kəsişən döngələrdə həyata keçirilib.
MKTİB-nin Ərazi Xidmət Sahələrinin əməkdaşları və qurumun texnikaları vasitəsilə adıçəkilən ərazilər məişət tullantılarından, alaq otlarından, eləcə də daş, qum və toz-torpaqdan təmizlənib. Yığılan tullantılar bir yerə toplanaraq ərazidən daşınması təmin edilib.
