Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyi (MKTİB) tərəfindən şəhərin prospekt və küçələrində genişmiqyaslı təmizlik işləri həyata keçirilib.
Gencexeber.az bildirir ki, iməcilik aksiyası şəhərin Heydər Əliyev prospektində, həmçinin Dəmir Yolu Vağzalının ətrafında, Ələkbər bəy Rəfibəyli, Sidqi Ruhulla, Teymur Hacıyev, Füzuli, Feyzulla Mirzə, General Mehmandarov, Bağmanlar küçəsində, Qazaxlar məscidinin ətrafında və 32 saylı orta məktəbin qarşısında təşkil olunub.
MKTİB-nin Ərazi Xidmət Sahələrinin əməkdaşları və qurumun texnikaları vasitəsilə adıçəkilən ərazilər məişət tullantılarından, alaq otlarından, eləcə də daş, qum və toz-torpaqdan təmizlənib. Yığılan tullantılar bir yerə toplanaraq ərazidən daşınması təmin edilib.
Sözügedən ərazilərdə mövcud olan zibil qutuları boşaldılıb, ətrafı isə təmizlənərək səliqəli şəklə salınıb.
