Gəncə şəhəri, Heydər Əliyev prospektinin 2-ci döngəsində (keçmiş Zərrabi küçəsi) yolun vəziyyəti sakinlərin narazılığına səbəb olub.
Gencexeber.az-a daxil olan şikayətlərə görə, ərazidə işıq dirəklərinin quraşdırılması üçün asfalt qazılıb. Lakin işlər başa çatdıqdan sonra yol örtüyü bərpa edilməyib.
Hazırda ərazidən keçmək həm piyadalar, həm də avtomobillər üçün çətinlik yaradır. Vətəndaşlar bildirirlər ki, həyət evlərinin qarşısında yerləşən həmin hissədə yağış zamanı su da toplanır və yol daha da keçilməz vəziyyətə düşür.
Sakinlər aidiyyəti qurumlardan ərazidə asfalt örtüyünün bərpa olunmasını və yağış sularının yaratdığı problemin aradan qaldırılmasını xahiş edirlər.
