Gəncə şəhərinin Sevil Qaziyeva küçəsində elektrik təchizatı ilə bağlı ciddi problem yaşanır.
Gencexeber.az-a daxil olan şikayətlərə əsasən, bir aya yaxındır ki, ən yüngül külək əsən kimi küçədə mövcud çoxsaylı evlərin işığı dərhal sönür. Bu cür ardıcıllıqla baş verən kəsintilər gündəlik həyatı çətinləşdirir və məişət avadanlıqlarına ziyan vurur.
Vətəndaşlar bildirirlər ki, problemi dəfələrlə Gəncə Şəhər İcra Hakimiyyətinə və "Azərişıq" ASC-yə çatdırıblar. Lakin müraciətlərə baxmayaraq, elektrik təchizatındakı nasazlıq hələ də aradan qaldırılmayıb.
Sakinlər aidiyyəti qurumlardan problemin təcili şəkildə araşdırılaraq həll edilməsini tələb edirlər.
