Xəbər verdiyimiz kimi, Gəncədə yağan güclü yağış şəhərin bir sıra ərazilərində ciddi fəsadlar yaradıb.
Gencexeber.az məlumat verir ki, dünən günorta saatlarında şəhərin mərkəzi küçə və prospektlərində nəqliyyatın hərəkəti çətinləşib, uzun tıxaclar yaranıb. Yağış suları bəzi yollarda toplanaraq hərəkəti demək olar ki, iflic vəziyyətinə salıb.
Bundan başqa, şəhərdə fəaliyyət göstərən "Sərçə bazarı"nda da yağışın fəsadları hiss olunub. Yağış suları ticarət obyektlərinə dolub. Sahibkarlar və satıcılar bir müddət təbii fəlakətin yaratdığı çətin şəraitdə obyektlərdə qalmalı olublar.
Sakinlər aidiyyəti qurumları yağış sularının axıdılması və kanalizasiya sistemində yaranan problemlərin aradan qaldırılması üçün tədbir görməyə çağırırlar.
