Birinci Qarabağ müharibəsində itkin düşmüş şəhidin nəşi Gəncədən Sumqayıta gətirilib.
Report.аz xəbər verir ki, Birinci Qarabağ müharibəsində itkin düşmüş və uzun illər Gəncə şəhərindəki Şəhidlər xiyabanında şəxsiyyəti bilməyən şəxs kimi dəfn edilən Yusif Məmmədovun nəşi ailəsinə təhvil verilib.
Şəhidin qalıqları Gəncədən Sumqayıt şəhərinə gətirilib. Burada onunla vida mərasimi keçirilib və nəşi doğma şəhərindəki Şəhidlər xiyabanında torpağa tapşırılacaq.
Qeyd edək ki, Yusif Məmmədov 1972-ci il iyunun 29-da Sumqayıtda anadan olub. O, 1994-cü il fevralın 2-də Kəlbəcər rayonunun Murovdağ istiqamətində itkin düşüb.
