Gəncədə qəsdən adam öldürmə və qəsdən adam öldürməyə cəhddə təqsirləndirilən Rəşad Abbasovun barəsindəki qərardan kassasiya şikayəti üzrə məhkəmə iclasının vaxtı məlum olub.
İttihama görə, 2024-cü il tarixdə axşam saatlarında Gəncədə qeydə alınıb. Belə ki, Rəşad Abbasov zərərçəkmişlər - anası, dayısı, dayısı arvadı, qardaşı və onun arvadını ailəsinin dağılmasında, yaranmış problemin həllinə laqeyd yanaşmaqda, xüsusilə də həyat yoldaşı ilə münasibətlərinin bərpası istiqamətində hər hansı dəstək və vasitəçilik göstərməməkdə günahlandırıb.
Rəşad dayısı Elyar Hüseynov və dayısı arvadı Ulduz Hüseynovanı qəsdən öldürmək niyyəti ilə yaşadıqları ünvana gedərək evin mətbəx otağına daxil olub. O, orada hər iki şəxsi bıçaqlayıb. Ulduz Hüseynova müalicə aldığı xəstəxanada ölüb.
Bununla da Rəşad Abbasov xüsusi amansızlıqla qadını qəsdən həyatdan məhrum etməklə öldürüb, iki şəxsi qəsdən öldürməyə cəhd edib, iki şəxsdən daha çox şəxsi, yəni üç nəfəri qəsdən öldürməyə hazırlıq edib.
Gəncə Ağır Cinayətlər Məhkəməsinin hökmü ilə o, 19 il müddətinə azadlıqdan məhrum edilib. Hökmdə qeyd edilib ki, təqsirləndirilən şəxs cəzasının ilk 3 ilini həbsxanada, qalan hissəsini isə ciddi rejimli cəzaçəkmə müəssisəsində çəkəcək. Apellyasiya şikayəti isə təmin edilməyib.
Rəşad Abbasovun yenidən verdiyi kassasiya şikayəti Ali Məhkəmədə sabah keçirilcək.
Mənbə: pravda.аz
