Gəncədə daha bir nəfər dəm qazından zəhərlənmə diaqnozu ilə xəstəxanaya yerləşdirilib.
Gencexeber.az-ın məlumatına görə, hadisə şəhərin Gülüstan yaşayış massivində qeydə alınıb. 2007-ci il təvəllüdlü Ayşən Qasımova yaşadığı evdə dəm qazından zəhərlənərək ağır vəziyyətdə xəstəxanaya çatdırılıb.
Həkimlərin bildirdiyinə görə, onun vəziyyəti ağır qiymətləndirilir və müalicəsi davam etdirilir.
Qeyd edək ki, səhər saatlarında 2007-ci il təvəllüdlü Aytac Bayramova dəm qazından zəhərlənmə diaqnozu ilə xəstəxanaya çatdırılıb.
Faktla bağlı araşdırma aparılır.
