Gəncə şəhər Mənzil Kommunal Təsərrüfatı İstehsalat Birliyi (MKTİB) tərəfindən sakinlərin müraciətləri əsasında yol hərəkəti nişanlarının, işıqforların görünmə radiusunu məhdudlaşdıran və küçə işıqlandırmasına maneə yaradan ağaclarda budama işləri aparılır.
Gencexeber.az bildirir ki, işlər əsasən Azərbaycan, Xəmsə, Həmid Sultanov, Bakı fəhləsi və İ.Talıblı küçələrində, həmçinin Sadıllı qəsəbəsinin ərazisində aparılıb.
MKTİB-nin canlı qüvvə və texnikaları vasitəsilə budanan ağacların qırıntıları bir yerə toplanaraq ərazidən daşınması təmin edilib.
Qeyd edək ki, qanunvericiliyin tələblərinə görə, şəhər ərazisində tam və qismən qurumuş ağacların kəsilməsi, həmçinin budanması prosesi sakinlərin yerli bələdiyyə orqanlarına rəsmi müraciəti və oradan alınan rəy əsasında MKTİB-nin Yaşıllaşdırma şöbəsi tərəfindən həyata keçirilir.
