Gəncədə sakinlər restorandan gecə saatlarınadək gələn səs-küydən şikayətlənirlər.
Gencexeber.az-a daxil olan çoxsaylı müraciətlərdə iddia olunur ki, Mirzə Abbas Abbaszadə küçəsində yerləşən iaşə obyektindən gecə saatlarından səhərə qədər yüksək səslə musiqi səsləndirilir. Sakinlərin sözlərinə görə, obye ktin ətrafında müştərilər tez-tez səs-küy salır, mübahisə edir və nalayiq ifadələr işlədirlər.
Müraciət müəllifləri bildirirlər ki, yaxınlıqda yaşayan ailələr, xüsusilə azyaşlı uşaqları olan sakinlər yaranmış vəziyyətdən ciddi narahatdırlar. Onların sözlərinə görə, gecə saatlarınadək davam edən səs-küy istirahətlərinə mane olur və normal yaşayış şəraitini pozur.
Sakinlər aidiyyəti qurumlardan məsələni araşdırmağı, obyektin fəaliyyəti zamanı qanunvericiliyin tələblərinə əməl olunmasına nəzarəti gücləndirməyi və ərazidə yaşayan vətəndaşların rahatlığının təmin edilməsini xahiş edirlər.
