Gəncədə Adilxan Ziyadxanov küçəsinin sakinləri məişət tullantıları ilə bağlı ciddi problemlə üzləşiblər.
Gencexeber.az-a şikayət ünvanlayan gəncəlilər bildirir ki, küçədə cəmi iki zibil qabı var. Mövcud konteynerlərdən birinin isə yararsız halda olması vəziyyəti daha da çətinləşdirir. Nəticədə tullantılar küçəyə tökülür, bu da antisanitar şəraitin yaranmasına səbəb olur.
Vətəndaşlar aidiyyəti qurumlardan küçədə zibil konteynerlərinin sayının artırılmasını və yararsız vəziyyətdə olan qabın yenisi ilə əvəz olunmasını tələb edirlər.
