Gəncə şəhərinin Yeni Gəncə qəsəbəsində yerləşən 28 May küçəsindəki körpünün hazırkı vəziyyəti əhalidə narahatlıq yaradıb.
Gencexeber.az-a daxil olan şikayətlərə görə, körpünün konstruksiyasının bəzi hissələrində armaturlar və dəmir parçaları üzə çıxıb. Eyni zamanda körpünün üzərində boya örtüyünün töküldüyü və konstruksiyanın baxımsız vəziyyətdə olduğu iddia edilir.
Sakinlərin sözlərinə görə, körpünün bu vəziyyəti həm estetik baxımdan xoşagəlməz görüntü yaradır, həm də konstruksiyanın təhlükəsizliyi ilə bağlı suallar doğurur.
Vətəndaşlar aidiyyəti qurumların əraziyə baxış keçirməsini və körpünün texniki vəziyyətinin qiymətləndirilməsini istəyirlər.
