Nizami yurdunda Qurban bayramı münasibətilə bayram namazı qılınıb.
Gencexeber.az əlumat verir ki, bayram namazı şəhərin bütün məscidlərində eyni vaxtda qılınıb. Yüzlərlə şəhər sakininin qatıldığı ibadətdə dualar edilib, Allahdan mərhəmət, əmin-amanlıq və ruzi-bərəkət arzulanıb.
Həmçinin şəhərin "Kəpəz Bazarı" ASC-də, "İmamzadə" Dini Kompleksinin qurbangahında, Müseyib Bağırov küçəsində və keçmiş "Ət kombinatı"nın ərazisində müəyyən edilmiş satış və kəsim məntəqələrində baytarlıq nəzarətindən keçmiş heyvanların kəsimi həyata keçirilib.
Qurbanlar sanitar-gigiyenik tələblər gözlənilməklə və İslam qaydalarına uyğun şəkildə kəsilib.
