Qeyri-iş günləri olan 20-30 mart 2026-cı il tarixlərində bankların bəzi filialları fəaliyyət göstərəcək.
Bu barədə Gencexeber.az-a Azərbaycan Respublikasının Mərkəzi Bankından məlumat verilib.
Bildirilib ki, bayram günlərində ölkəmizdə səfərdə olan turistlərin və ölkə vətəndaşlarının valyuta mübadiləsi xidmətlərinə davamlı çıxışının təmin edilməsi məqsədilə ümumilikdə 18 bankın 280 satış nöqtəsi (o cümlədən, 4 bank üzrə 9 satış nöqtəsi 24 saat rejimində olmaqla) müştərilərə xidmət göstərəcək.
Gəncədə bayram günlərində adları aşağıda sadalanan banklar müxtəlif tarix və saatlarda fəaliyyət göstərəcək (Tarix və iş qrafikləri barədə məlumat Mərkəzi Bankın saytında təqdim edilib):
– Azərbaycan Beynəlxalq Bankı;
– "Azər-Türk Bank" ASC;
– "Unibank" ASC;
– "Accessbank" QSC;
– "Rabitəbank" ASC;
– "Bank of Baku" ASC;
– "Yelo Bank" ASC;
– "Kapital Bank" ASC;
– "Premium Bank" ASC;
– "Bank Respublika" ASC;
– "Express Bank" ASC.
