Gəncədə “28 May Respublika günü” ilə bağlı retro avtomobillər sərgilənəcək.
Gencexeber.az-ın məlumatına görə, tədbir mayın 28-i saat 15:00-dan 19:00-a kimi keçiriləcək. Gəncədə maraqlı və nostalji ab-havalı sərgi Heydər Əliyev adına park kompleksinin qarşısında təşkil olunacaq. Tədbir Gəncə Retro Avtomobil Klubu tərəfindən keçiriləcək.
Sərgidə müxtəlif dövrlərə aid klassik avtomobillər nümayiş olunacaq. Avtomobil həvəskarları şəkil çəkdirmək və nostalji hissləri yaşamaq imkanı əldə edəcəklər.
