Gəncədə retro avtomobillər sərgilənəcək.
Gencexeber.az-ın məlumatına görə, mayın 9-u saat 16:00-da Gəncədə maraqlı və nostalji ab-havalı tədbir baş tutacaq. Tədbir Heydər Əliyev adına Park-Kompleksinin qarşısında təşkil olunacaq. Sərgi Gəncə Retro Avtomobil Klubu tərəfindən keçiriləcək.
Tədbir zamanı müxtəlif dövrlərə aid klassik avtomobillər nümayiş olunacaq. Həmçinin retro maşınların yürüşü həyata keçiriləcək. Avtomobil həvəskarları şəkil çəkdirmək və nostalji hissləri yaşamaq imkanı əldə edəcəklər.
