Gəncə şəhərinin Nəriman Nərimanov prospektində yolun bir hissəsində yaranmış təhlükəli vəziyyət sürücülərin və piyadaların narahatlığına səbəb olub.
Gencexeber.az-a məsələ ilə bağlı şikayət ünvanlayan sakinlərin sözlərinə görə, sözügedən küçədəki yol bir neçə ay əvvəl yenilənən zaman kanalizasiya lüku asfaltın altında qalıb.
Güclü yağışlardan sonra kanalizasiya sistemində yaranan daşma nəticəsində yol örtüyünün həmin hissəsində çuxur əmələ gəlib. Hazırda çuxur sürücülər üçün ciddi təhlükə yaradır.
Sürücülər çuxura düşməmək üçün avtomobilləri yolun kənarına yönəltməyə məcbur qalırlar. Bu isə nəqliyyat vasitələrinin səkiyə çıxması və piyadaların təhlükə ilə üzləşməsi riskini artırır.
Sakinlər aidiyyəti qurumlardan yolun təhlükəsiz vəziyyətə gətirilməsini xahiş edirlər.
