Gəncə şəhərində bıçaqlanma hadisəsi baş verib.
Gencexeber.az-ın məlumatına görə, hadisə şəhər ərazisində qeydə alınıb. 24 yaşlı K.Hüseynovun baş nahiyəsinə bıçaq xəsarəti yetirilib.
Daxili İşlər Nazirliyinin Mətbuat xidmətinin Gəncə regional qrupunun baş inspektoru Eşqin Qasımov tərəfindən redaksiyamızın sorğusuna cavab olaraq bildirilib ki, Gəncə Şəhər Baş Polis İdarəsinin əməkdaşları tərəfindən həyata keçirilən müvafiq tədbirlər nəticəsində K.Hüseynovun baş nahiyəsinə kəsici-deşici alətlə xəsarət yetirməkdə şübhəli bilinən 27 yaşlı Tofiq Qurbanov saxlanılıb.
Faktla bağlı araşdırmalar davam etdirilir.
