Gəncə şəhərinin Sevinc qəsəbəsinin 18-ci küçəsindən 30-cu küçəsinədək olan geniş ərazidə yerləşən onlarla yaşayış evində qaz təchizatında fasilələr müşahidə olunub. Oxşar hal Sadıllı qəsəbəsinin İmran Qasımov küçəsində də qeydə alınıb.
Gencexeber.az-ın məlumatına görə, Gəncə Regional Qaz İstismar İdarəsinin Gəncə Xidmət Sahəsinin əməkdaşları vətəndaşlardan daxil olan müraciətlər əsasında ərazilərə baxış keçirib. Aparılan yoxlamalar zamanı qaz təzyiqinin aşağı düşməsi və kəsintilərlə bağlı faktlar təsdiqlənib.
Məsələ ilə bağlı qurumun rəis müavini Samin Hacıyev bildirib ki, Sevinc qəsəbəsində sıradan çıxmış tənzimləyici qurğu yenisi ilə əvəz olunub. Sadıllı qəsəbəsinin İmran Qasımov küçəsində isə analoji problem yaradan digər qurğu təmir edilərək yenidən istismara verilib.
Görülən təxirəsalınmaz tədbirlər nəticəsində hazırda hər iki ərazidə qaz təchizatı tam şəkildə bərpa olunub.
