Xəbər verdiyimiz kimi, Gəncə şəhərindən keçən Gəncəçayın məcrası ciddi şəkildə zibillənib.
Gencexeber.az məlumat verir ki, Gəncə şəhər Mənzil Kommunal Təsərrüfatı İstehsalat Birliyi (MKTİB) tərəfindən sözügedən ərazidə və şəhərin Nizami Gəncəvi prospektində, Dəmiryolçular parkında, Müseyib Bağırovla Vəli Xuluflu küçələrinin kəsişməsində təmizlik işləri həyata keçirilib.
MKTİB-nin canlı qüvvə və texnikaları vasitəsilə ərazilər məişət tullantılarından, alaq otlarından, toz-torpaqdan təmizlənib. İməcilik işləri həmçinin Gəncəçayın daxili hövzəsində də aparılıb. Məsuliyyətsiz vətəndaşlar tərəfindən çayın məcrasına atılan məişət və digər tullantılar təmizlənib.
Qeyd edək ki, Gəncəçayın məcrasını məişət və digər tullantılarla çirkləndirən Ş.Məmmədov 300 manat məbləğində cərimə olunub.
