Gəncə şəhər Mənzil Kommunal Təsərrüfatı İstehsalat Birliyinin (MKTİB) canlı qüvvəsi tərəfindən Gəncəçayda təmizlik aksiyası keçirilib.
Gencexeber.az məlumat verir ki, aksiyaya MKTİB-nin Ərazi Xidmət Sahələrinin əməkdaşları cəlb olunub.
Təmizlik işləri asma piyada körpünün ətrafında, çayın hər iki sahilində və məcrasının bəzi yerlərində həyata keçirilib. Məişət tullantıları, ağac qırıntıları, kol-kos və alaq otları toplanaraq ərazidən daşınması təmin edilib.
Mövcud zibil konteynerləri boşaldılıb, ətrafında səliqə-sahman yaradılıb. Qeyd edək ki, çayın məcrasında aparılan təmizlik işləri mütəmadi olaraq hər həftə təşkil olunur.
