Gəncə şəhərindən keçən Gəncəçayın məcrası ciddi şəkildə zibillənir.
Gencexeber.az-ın əldə etdiyi məlumata görə, çayın təbii axarı məişət və digər tullantılarla çirkləndirilir, bu isə həm ekoloji vəziyyətə, həm də şəhər estetikasına, həmçinin əhalinin sağlamlığına mənfi təsir göstərir.
Təqdim etdiyimiz videogörüntü Gəncəçayın şəhərin Azərbaycan Bayrağı küçəsindən keçən hissəsində lentə alınıb. Kadrlarda görünür ki, Mənzil İnşaatı Dövlət Agentliyi tərəfindən inşa edilən Gəncə Yaşayış Kompleksinin qarşı tərəfində yerləşən evlərin sakinləri çayın sahilinə müxtəlif məişət tullantıları, plastik qablar, torbalar və digər zibillər atırlar.
Sakinlərin bu cür məsuliyyətsiz davranışı təbiətə zərbə vurmaqla yanaşı, şəhərin simasını da korlayır.
