Gəncə və ətraf rayonlarda fəaliyyət göstərən poçt şöbələrinin sayı son 5 ildə nəzərəçarpacaq dərəcədə azalıb.
Gencexeber.az-ın Dövlət Statistika Komitəsindən əldə etdiyi məlumatına əsasən, 2021-ci ildə Gəncə-Daşkəsən iqtisadi rayonunda 124 poçt şöbəsi fəaliyyət göstərirdisə, 2025-ci ildə bu rəqəm 73-ə düşüb. Beləliklə, region üzrə poçt şöbələrinin sayı 51 vahid və ya təxminən 41% azalıb.
Azalma Gəncə şəhərində də qeydə alınıb. Belə ki, 2021-ci ildə şəhərdə 19 poçt şöbəsi olduğu halda, 2025-ci ildə onların sayı 17-yə enib.
Ətraf rayonlarda isə azalma daha kəskin olub. Daşkəsən rayonunda 15-dən 7-yə, Naftalan şəhərində 3-dən 2-yə, Goranboy rayonunda isə 42-dən 19-a düşüb. Göygöl rayonunda 21 poçt şöbəsindən 14-ü, Samux rayonunda isə 24 şöbədən 14-ü qalıb.
