Kür çayının sululuğu son bir ay ərzində xeyli artıb.
Gencexeber.az məlumat verir ki, xüsusilə Samux rayonunun Qırmızı Samux kəndi və çaya yaxın ərazilərdə vəziyyət diqqət çəkir. Su səviyyəsinin yüksəlməsi nəticəsində ətraf meşə zolaqlarının bir hissəsini su basıb.
Bununla yanaşı, kəndlərin kənarında yerləşən əkin sahələri də sel təhlükəsi ilə üz-üzə qalıb. Yerli sakinlər suyun səviyyəsinin artmasının təsərrüfatlara ziyan vura biləcəyindən narahat olduqlarını deyirlər.
Mütəxəssislər vəziyyətin əsas səbəbi kimi Gəncə və ətraf rayonlarda müşahidə olunan aramsız yağışları göstərirlər. Hazırda ərazidə vəziyyət izlənilir.
