Gəncə Tibb Kollecində keçiriləcək məzun günü tədbiri ilə bağlı narazılıq yaranıb.
Gencexeber.az-a müraciət edən tələbələrin iddiasına görə, iyulun 4-də təşkil olunacaq məzun günündə iştirak etmək üçün onlardan 10 manat ödəniş tələb olunur.
Şikayətçilərin sözlərinə görə, təhsil ocağının rəhbərliyi tərəfindən onlara bildirilib ki, ödənişi etməyən şəxslər tədbirə buraxılmayacaqlar.
Bununla razılaşmayan tələbələr məsələnin araşdırılmasını tələb edirlər.
Qeyd edək ki, məsələ ilə bağlı tərəfimizdən Gəncə Tibb Kollecinə sorğu ünvanlanıb. Qarşı tərəfin mövqeyini dərc etməyə hazırıq.
