Vətən müharibəsi dövründə Azərbaycanın ikinci böyük şəhəri olan Gəncənin Ermənistan Silahlı Qüvvələri tərəfindən raket atəşinə tutulması nəticəsində valideynlərini itirən Sevil Əliyeva yaxın zamanda ana olmağa hazırlaşır.
Gencexeber.az xəbər verir ki, Sevil bu barədə Gəncə terroru ilə bağlı mediaya verdiyi müsahibə zamanı məlumat verib.
Qeyd edək ki, 2020-ci il oktyabrın 11-də baş verən raket hücumu nəticəsində Sevil Əliyeva hər iki valideynini itirmiş, 8 yaşlı qardaşı Hüseynlə birlikdə ana nənəsinin himayəsinə verilmişdi.
2023-cü ildə isə Sevil faciə gecəsi onu dağıntılar altından xilas edən Talış adlı gənclə ailə həyatı qurub.
