Gəncə sakinləri Ulu Öndər Heydər Əliyevin anadan olmasının 102-ci ildönümü münasibətilə abadlıq işləri aparıblar.
Gencexeber.az-ın məlumatına əsasən, Gəncə şəhərinin Gülüstan qəsəbəsi, bina 17-nin sakinləri bu gün ümummilli lider Heydər Əliyevin 102-ci ildönümü münasibətilə təşəbbüs həyata keçiriblər.
Onlar binanın yaxınlığında abadlıq işləri apararaq ərazini səliqəyə salıblar. Eyni zamanda, xatirə məqsədilə müxtəlif növ ağaclar əkiblər. Sonda isə ümummilli liderin fotosu əks olunan xatirə lövhəsi quraşdırıblar.
Tədbirin təşkilatçıları bildiriblər ki, bu addım təkcə xatirə mahiyyəti daşımır, həm də gələcək nəsillərə Heydər Əliyev irsinin aşılanması və ictimai həmrəyliyin gücləndirilməsi baxımından mühüm əhəmiyyət kəsb edir.
