Gəncə ilə Qırğızıstanın Oş şəhəri arasında qardaşlaşma əlaqələri yaradılıb.
Gencexeber.az məlumat verir ki, bu barədə Azərbaycan Prezidenti İlham Əliyev və Qırğızıstan Prezidenti Sadır Japarovun iştirakı ilə keçirilən sənədlərin mübadiləsi mərasimində razılıq əldə olunub.
Mərasim zamanı "Azərbaycan Respublikasının Gəncə şəhəri ilə Qırğız Respublikasının Oş şəhəri arasında əməkdaşlığın və qardaşlaşma əlaqələrinin yaradılması haqqında Anlaşma Memorandumu"nu Azərbaycanın Qırğızıstandakı səfiri Lətif Qəndilov və Oş şəhərinin meri Janar Akayev mübadilə ediblər.
Qeyd edək ki, sənəd Azərbaycan ilə Qırğızıstan arasında imzalanan əməkdaşlıq sənədləri paketi çərçivəsində mübadilə olunub.
Mənbə: AZƏRTAC
