2026-cı ilin yanvar-iyun aylarında ölkə üzrə pərakəndə ticarət dövriyyəsinin bölgüsündə Gəncə-Daşkəsən iqtisadi rayonunun payı 4,0 faiz təşkil edib.
Gencexeber.az-ın Dövlət Statistika Komitəsindən əldə etdiyi məlumata əsasən, hesabat dövründə regionda pərakəndə ticarət dövriyyəsi 2025-ci ilin müvafiq dövrü ilə müqayisədə real ifadədə 0,5 faiz artım nümayiş etdirib. Bununla da Gəncə-Daşkəsən regional göstəricilərə görə ölkə üzrə ilk beşlikdə yer alıb.
Ümumilikdə isə ölkə üzrə pərakəndə ticarət dövriyyəsinin böyük hissəsi (59,1 faiz) Bakı şəhərinin payına düşüb. İqtisadi rayonlar arasında isə növbəti sıxlıq Abşeron-Xızı (6,1%), Mərkəzi Aran (4,4%) və Lənkəran-Astara (4,3%) regionlarında qeydə alınıb.
Digər iqtisadi rayonlarda göstəricilər:
– Abşeron-Xızı – 6,1% (8,0% artım)
– Mərkəzi Aran – 4,4% (0,4% azalma)
– Lənkəran-Astara – 4,3% (6,0% artım)
– Gəncə-Daşkəsən – 4,0% (0,5% artım)
– Qazax-Tovuz – 3,6% (1,1% artım)
– Quba-Xaçmaz – 3,1% (0,4% artım)
– Şirvan-Salyan – 3,0% (0,4% azalma)
– Şəki-Zaqatala – 3,0% (dəyişməyib)
– Qarabağ – 2,7% (4,2% artım)
– Mil-Muğan – 2,3% (0,5% artım)
– Naxçıvan – 2,3% (1,1% artım)
– Dağlıq Şirvan – 1,6% (0,3% artım)
– Şərqi Zəngəzur – 0,5% (9,8% artım)
Qeyd edək ki, regionlar arasında ən yüksək real artım 9,8 faizlə Şərqi Zəngəzur iqtisadi rayonunda qeydə alınıb.
