Gəncə Beynəlxalq Avtovağzalı Qurban Bayramı günlərində gücləndirilmiş iş rejimində fəaliyyət göstərir.
Gencexeber.az məlumat verir ki, bayram günlərində sərnişin axınının artması ilə əlaqədar olaraq avtovağzalda əlavə qrafiklər tətbiq olunub. Belə ki, həftənin ara günlərində Gəncə-Bakı reysi üzrə 13-ə yaxın avtobus hərəkət etdiyi halda, Qurban Bayramı ərəfəsində bu göstərici 33-ə çatdırılıb.
Məlumata əsasən, daha öncə Gəncə Beynəlxalq Avtovağzalından hər gün təxminən 300 sərnişin yola salınıb. Bayram günləri ərəfəsində Bakı istiqamətinə səfər edənlərin sayı 800 nəfərə qədər artıb.
