Gəncə Dövlət Universitetinin (GDU) Tədris məsələləri üzrə prorektoru Şahin Xurşudovun vəzifədən korrupsiya iddiaları əsasında azad edildiyi barədə sosial şəbəkələrdə məlumat yayılıb.
Məsələ ilə bağlı Gencexeber.az-ın sorğusuna cavab olaraq sözügedən Ali təhsil ocağı tərəfindən yayılan iddialar təkzib edilib. Bildirilib ki, Şahin Xurşudov öz istəyi ilə vəzifəsindən azad olunub.
Əlavə edilib ki, o, professor elmi adını almaq üçün bu qərarı verib. Həmçinin hazırda Şahin Xurşudov tədris fəaliyyətini davam etdirir: “Hazırda Xurşudov İqtisadiyyat fakültəsində yarımştat müəllim kimi fəaliyyət göstərir. Yayılan korrupsiya iddiaları əsassızdır”.
Qeyd edək ki, Şahin Nadir oğlu Xurşudov Gəncə Dövlət Universitetinin tədrisin təşkili və təlim texnologiyaları üzrə prorektoru vəzifəsinə 2022-ci ilin mart ayında təyin edilib. O, bundan əvvəl GDU-nun İqtisadiyyat-İdarəetmə fakültəsinin dekanı olub.
Cavid Şəmiyev
