Gəncə Dövlət Universitetinin (GDU) gənc müəllimi işğaldan azad olunmuş Zəngilan rayonu ərazisində yerləşən Bəsitçay Dövlət Təbiət Qoruğunda apardığı elmi tədqiqatlara görə elmi dərəcə alıb.
Gencexeber.az-ın məlumatına görə, GDU-nun Ekologiya və təbiəti mühafizə kafedrasının müəllimi Musayev Vüsal Azərbaycan Respublikası Prezidenti yanında Ali Attestasiya Komissiyasının müvafiq qərarı ilə "fəlsəfə doktoru" elmi dərəcəsinə layiq görülüb.
Belə ki, işğaldan azad olunmuş ərazilərdə yerləşən Bəsitçay Dövlət Təbiət Qoruğunun ekoloji vəziyyətinin qiymətləndirilməsi istiqamətində apardığı tədqiqatların nəticələrinə əsasən, Ali Attestasiya Komissiyasının qərarı ilə Musayev Vüsal Ramiz oğluna 2426.01 – Ekologiya ixtisası üzrə biologiya elm sahəsində fəlsəfə doktoru elmi dərəcəsi verilib.
