Gəncədə Xan arxının tutulması problemi illərdir davam edir.
Gencexeber.az-a daxil olan şikayətə əsasən, məcrasına atılan məişət tullantıları səbəbindən sözügedən bərə şəhərin Ceyhun Məmmədov küçəsindən keçən hissəsində tıxanıb.
Yerli sakinlər bu vəziyyətin uzun illərdir davam etdiyini bildirirlər. Əraziyə üfunət yayılır, antisanitar vəziyyət müşahidə edilir.
Qeyd edək ki, mənbəyini Gəncəçayın Firuzabad qəsəbəsində yerləşən su qurğusundan götürən Xan arxı şəhərin bir sıra küçələrindən keçməklə Samux rayonunda əkin sahələrinin suvarılmasını təmin edir.
Qeyd edək ki, redaksiyamız tərəfindən Xan arxının dəfələrlə zibillənməsi və Mənzil Kommunal Təsərrüfatı İstehsalat Birliyi tərəfindən təmizlənməsi haqqında məlumat verilib.
