Bu gün şairə, publisist, həkim-jurnalist, Prezident təqaüdçüsü, Azərbaycan Yazıçılar Birliyinin və Azərbaycan Jurnalistlər Birliyinin idarə heyətinin, eləcə də Avropa Kardioloqlar və Azərbaycan Kardioloqlar Cəmiyyətinin üzvü, “Qafqaz-Media” İctimai Birliyinin sədri Hacı Azadə Taleh Abbasqızının (Hüseynova) vəfatından 2 il ötür.
Gencexeber.az məlumat verir ki, həkim-jurnalist 26 fevral 1964-cü ildə Gəncədə doğulub.
Orta təhsilini 1 nömrəli məktəbdə başa vurduqdan sonra Azərbaycan Dövlət Tibb İnstitutunun II müalicə-profilaktika fakültəsinə daxil olub. 1989-1992-ci illərdə 13 saylı Birləşmiş Şəhər Xəstəxanasında sahə həkimi kimi çalışıb.
