Gəncənin Cavadxan küçəsi ilə Batutin küçəsinin kəsişməsində yerləşən artezian quyusunda ciddi nasazlıq yaranıb.
Gencexeber.az-a sözügedən problemdən şikayətçi sakinlər tərəfindən müraciət daxil olub.
Şikayətçilər bildirir ki, artezian quyusunda suyu açıb-bağlamaq üçün nəzərdə tutulan kran sıradan çıxıb və artıq uzun müddətdir işləmir:
“Eyni zamanda quyunun qapağı olmadığı üçün içərisi antisanitar vəziyyətdədir. Kranın işləməməsi səbəbindən ərazilərdəki evlərə su verilməsi dayandırılıb. Bu məsələ ilə bağlı dəfələrlə “Azərsu” ASC-yə və qurumun “955” qaynar xətt nömrəsinə müraciət etsək də, hələ də heç bir tədbir görülməyib. Sakinlər olaraq, üstümüzə düşən vəzifə vaxtında və tam olaraq aylıq su ödənişlərini etməkdir, onu da edirik.
Bir kranı təmir etmək çətin iş deyil, amma bu problemə görə yüzlərlə ailə susuz qalır. Şikayət etməkdən artıq yorulmuşuq, aidiyyəti qurumlardan nasaz kranın təmir olunmasını tələb edirik”.
[caption id="attachment_78676" align="alignnone" width="696"]
[/caption]
