Gəncədə Natavan qəsəbəsində şəhid Ənvər Arazovun adını daşıyan küçə baxımsız vəziyyətdədir.
Gencexeber.az-a bu barədə küçə sakinləri tərəfindən şikayət daxil olub.
Şikayətçilər bildirir ki, küçədə kanalizasiya sistemindəki sızmaya görə ərazi acınacaqlı durumdadır:
“Bu hal biz sakinlər üçün ciddi problem yaradır. Həm küçəni su basır, palçıqdan hərəkət etmək mümkün olmur, həm də üfunət ətrafı bürüyür. Aidiyyəti qurumlara bir neçə dəfə müraciət etsək də, heç kim problemin həlli istiqamətində addım atmadı. Xahiş edirik ki, bu zülmdən bizi qurtarsınlar, kanalizasiya sistemindəki problem aradan qaldırılsın”.
