Gəncədə kişi 17 gün birgə yaşadığı qadına qarşı zorakılıq edib.
Gencexeber.az-ın əldə etdiyi məlumata görə, hadisənin istintaqı Gəncə Ağır Cinayətlər Məhkəməsində keçirilib.
Belə ki, təqsirləndirilən Elşad Əsgərov (ad şərtidir) 1957-ci ildə Gəncə şəhərində anadan olub. O, qısa müddət birgə yaşadığı Lalə Vəliyevanı (ad şərtidir) döyərək zorlayıb.
Elşad Əsgərov Azərbaycan Respublikası CM-nin 150.1-ci (zor tətbiq etməklə cinsi münasibətdə olma) maddəsi ilə təqsirləndirilib.
Məhkəmədə təqsirləndirilən şəxs qismində dindirilən Elşad Əsgərov özünü müqəssir bilməyib. İfadəsində göstərib:
“Həbsdən çıxdıqdan sonra Elnur adlı tanışıma evdə tək yaşadığımı və ailə sahibi olmaq istədiyimi dedim. O da mənə Lalə Vəliyevanı tapdı. Səhəri gün üçümüz restoranda görüşüb yemək yedik. Ertəsi gün isə Elnur ilə birlikdə Laləni və azyaşlı qızını öz evimə gətirdim. Bir yerdə 17 gün yaşamışıq. Heç bir problemimiz olmayıb. Laləni məni niyə şikayət etdiyini anlamıram. Mən onunla ilə evlənmək istədiyimi deyəndə mənimlə razılaşdı.
Elnur barəsində də onu deyim ki, məndən dəfələrlə 200, 300 manat borc pul istəyib. Başqa heç bir problemimiz olmayıb. Hadisə günü, yəni bir yerdə yaşadığımızın 17-ci günü işdə olarkən mütəmadi Laləyə zəng edib əlaqə saxlayırdım. Həmin gün bir neçə dəfə zəng etdim, amma nömrəsi məşğul idi. Narahat olub evə gəldim. Gördüm ki, Lalə gedib, evdə yoxdur”.
Məhkəmə baxışı zamanı iş üzrə zərərçəkmiş Lalə Vəliyeva ifadə verib:
“Elnur mənim dayımın kürəkənidir. Elnurun yoldaşı ilə danışanda mənə dedi ki, uşağıma və mənə baxacaq bir kişi var. Daha sonra məni Elşadla tanış etdilər. Ona dedim ki, nikahda ola-ola səninlə görüşməyim doğru deyil. Gəlib onunla eyni evində yaşamağımı və hər şeydə köməklik edəcəyini dedi. Çöldə qaldığım üçün Elşadla razılaşdım. İlk günlər hər şey qaydasında idi. Övladıma da, mənə də çox yaxşı davranırdı. Elşad bir neçə gün sonra övladımın psixoloji durumuna görə davranışlarına irad bildirməyə başladı. Daha sonra məni təbii yox, qeyri-təbii yolla cinsi əlaqədə olmağa məcbur etdi. Mən razı olmadıqda döyməyə başladı. Sonuncu dəfə bıçaqla hədələyib, döyərək qeyri-təbii yolla cinsi əlaqədə oldu. Onunla yaşamağın mümkün olmayacağını anlayıb, evdən gizlin çıxdım. Ardınca hadisə ilə əlaqəli polisə şikayət etdim”.
Tərəflərin çıxışından sonra məhkəmənin qərarı ilə Elşad Əsgərov 7 il müddətində azadlıqdan məhrum edilib.
Fidan İlqar
